ກອງປະຊຸມປັບປຸງຮ່າງກົດໝາຍວ່າດ້ວຍການສຶກສາ ຕາມຄໍາຄິດເຫັນລັດຖະບານ

ໃນວັນທີ 06 – 07 ກັນຍາ 2024 ທີ່ຜ່ານມາ ຢູ່ຫ້ອງປະຊຸມຂອງເຮືອນພັກຕົ້ນດູ່ຊູຊັບ ເມືອງແກ້ວອຸດົມ ແຂວງວຽງຈັນ ກົມປະກັນຄຸນນະພາບການສຶກສາ ກະຊວງສຶກສາທິການ ແລະ ກິລາ ໄດ້ສົມທົບກັບຫ້ອງການສໍານັກງານນາຍົກລັດຖະມົນຕີ, ສະພາແຫ່ງຊາດ ແລະ ກະຊວງຍຸຕິທຳ ຈັດກອງປະຊຸມປັບປຸງຮ່າງກົດໝາຍວ່າດ້ວຍການສຶກສາຕາມຄໍາຄິດເຫັນຂອງລັດຖະບານ  ໃຫ້ກຽດເປັນປະທານໂດຍ ທ່ານ ຮສ. ປອ. ສົມກຽດ ພະສີ ຮອງລັດຖະມົນຕີ ຮອງຫົວໜ້າຫ້ອງວ່າການສໍານັກງານນາຍົກລັດຖະມົນຕີ, ເຂົ້າຮ່ວມກອງປະຊຸມ ມີ ຄະນະຮັບຜິດຊອບສ້າງຮ່າງກົດໝາຍວ່າດ້ວຍການສຶກສາ ຈາກກະຊວງສຶກສາທິການ ແລະ ກິລາ ນໍາພາຄະນະ ໂດຍທ່ານ ປັນຍາ ຈັນທະວົງ ວ່າການແທນຫົວໜ້າກົມປະກັນຄຸນນະພາບການສຶກສາ, ທ່ານນາງ ວຽງແກ້ວ ພົມມະວົງ ຫົວໜ້າກົມຈັດຕັ້ງ ແລະ ພະນັກງານ, ຄະນະກົມ, ຄະນະພະແນກ ແລະ ວິຊາການຂອງບັນດາກົມວິຊາການ ແລະ ກົມບໍລິຫານຂອງກະຊວງສຶກສາທິການ ແລະ ກິລາ, ທ່ານຄົມສັນ… ຫົວໜ້າກົມນິຕິກຳ ພ້ອມດ້ວຍຄະນະກົມ ຄະນະພະແນກ ແລະ ວິຊາການຈາກກົມນິຕິກຳ ຫ້ອງວ່າການສຳນັກງານນາຍົກລັດຖະມົນຕີ, ທ່ານ ພັນໂນລາ ທອງຈັນ ວ່າການຫົວໜ້າກົມກົດໝາຍ ພ້ອມດ້ວຍຄະນະກົມ ຄະນະພະແນກ ແລະ ວິຊາການຈາກກົມກົດໝາຍ ກະຊວງຍຸຕິທຳ, ທ່ານ ສົມເພັດ ຈິດຕະວັນ ຫົວໜ້າກົມວັດທະນະທໍາ, ຄະນະກົມກົມກົດໝາຍ ແລະ ວິຊາການທາງດ້ານກົດໝາຍ ຈາກສະພາແຫ່ງຊາດ ລວມຜູ້ເຂົ້າຮ່ວມທັງໝົດ 42 ທ່ານ, ຍິງ 18 ທ່ານ.