ກອງປະຊຸມໃຫຍ່ 3 ຂັ້ນ (ຮອບທໍາອິດ) ຂອງໜ່ວຍພັກຮາກຖານກົມປະກັນຄຸນນະພາບການສຶກສາ

ໃນຕອນເຊົ້າຂອງວັນທີ 05 ກັນຍາ 2024 ທີ່ຜ່ານມາ ຢູ່ທີ່ຫ້ອງປະຊຸມຊັ້ນ 3 ກະຊວງສຶກສາທິການ ແລະ ກິລາ (ເຂດເຈົ້າອານຸວົງ) ໜ່ວຍພັກຮາກຖານກົມປະກັນຄຸນນະພາບການສຶກສາ ໄດ້ສໍາເລັດ ກອງປະຊຸມທາບທາມຮອບເປີດກວ້າງ ພາຍໃຕ້ການເປັນປະທານຂອງ ສະຫາຍ ກິ່ງມະໂນ ພົມມະຫາໄຊ ຄະນະປະຈໍາພັກກະຊວງ ຮອງລັດຖະມົນຕີກະຊວງສຶກສາທິການ ແລະ ກິລາ, ຮອງປະທານ ຄະນະຮັບຜິດຊອບກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນ ຂອງພັກ ທີ່ຂຶ້ນກັບອົງຄະນະພັກກະຊວງສຶກສາທິການ ແລະ ກິລາ (ຫົວໜ້າ ກຸ່ມ4) ທັງເປັນຜູ້ຊີ້ນໍາກົມປະກັນຄຸນນະພາບການສຶກສາ ແລະ ສະຫາຍ ປັນຍາ ຈັນທະວົງ ຮອງເລຂາໜ່ວຍພັກຮາກຖານ ວ່າການແທນ ຫົວໜ້າກົມປະກັນຄຸນນະພາບການສຶກສາ, ກະຊວງສຶກສາທິການ ແລະ ກິລາ ເປັນປະທານຮ່ວມ, ສະຫາຍ ບຸນຂົງ ຈັກວົງສາ ຫົວໜ້າພະແນກ ກົມກວດກາ (ຄະນະ ກຸ່ມ4) ເຂົ້າຮ່ວມຕິດຕາມ ແລະ ສະມາຊິກພັກ ກົມປະກັນຄຸນນະພາບການສຶກສາ ລວມທັງໝົດຈໍານວນ 33 ສະຫາຍ, ຍິງ 12 ສະຫາຍ ເຊິ່ງໃນນັ້ນ ສະມາຊິກພັກສົມບູນ ທີ່ມີສິດລົງຄະແນນສຽງ ຈຳນວນ 23 ສະຫາຍ.