ໃນລະຫວ່າງວັນທີ 21-22 ກັນຍາ 2024 ທີ່ຫ້ອງປະຊຸມກະຊວງສຶກສາທິການ ແລະ ກິລາ (ເຂດເຈົ້າອານຸວົງ), ກະຊວງສຶກສາທິການ ແລະ ກິລາ ຮ່ວມກັບ ສະພາແຫ່ງຊາດ ໄດ້ຈັດກອງປະຊຸມກວດກາເນື້ອໃນຮອບດ້ານຂັ້ນວິຊາການ ຂອງຮ່າງກົດໝາຍວ່າດ້ວຍການສຶກສາ ສະບັບປີ2015 ເພື່ອກະກຽມນໍາສະເໜີຕໍ່ຄະນະປະຈໍາສະພາແຫ່ງຊາດ ໂດຍການເປັນປະທານຮ່ວມຂອງ ທ່ານ ບຸນຍົງ ພົນເສນາ ຫົວໜ້າກົມກົດໝາຍ ຄະນະກຳມາທິການກົດໝາຍ, ທ່ານ ສົມເພັດ ຈິດຕະວັນ ຫົວໜ້າກົມວັດທະນະທໍາ ຄະນະກຳມາທິການວັດທະນະທຳ-ສັງຄົມ ສະພາແຫ່ງຊາດ ແລະ ທ່ານ ປັນຍາ ຈັນທະວົງ ວ່າການແທນ ຫົວໜ້າກົມປະກັນຄຸນນະພາບການສຶກສາ ກະຊວງສຶກສາທິການ ແລະ ກິລາ. ເຂົ້າຮ່ວມກອງປະຊຸມ ມີ ຄະນະຮັບຜິດຊອບປັບປຸງຮ່າງກົດໝາຍວ່າດ້ວຍການສຶກສາ ປະກອບດ້ວຍຄະນະກົມ, ຄະນະພະແນກ ແລະ ວິຊາການ ທີ່ກ່ຽວຂ້ອງ ຈາກ ກະຊວງສຶກສາທິການ …
