ເລື່ອງອູດ 17 ໂຕ ແລະ ລູກຊາຍ 3 ຄົນ

ຜູ້ເຖົ້າປັນຍາແຫຼມຄົມ ຟັງບັນຫາດ້ວຍຄວາມຕັ້ງໃຈ ແລະທັນທີທັນໃດ ກໍຊອກຫາທາງອອກໄດ້. ລາວ​ບອກ​ໃຫ້ເຂົາເຈົ້າ​ເອົາ​ອູດ​ທັງ​ໝົດ​ມາ​ໃຫ້​ລາວ. ເມື່ອ​ພວກ​ລູກ​ຊາຍ​ໄດ້​ນຳ​ອູດ​ທັງ​ໝົດ​ ໄປ​ບ່ອນ​ຂອງ​ຜູ້ເຖົ້າປັນຍາແຫຼມຄົມແລ້ວ, ລາວ​ໄດ້​ເອົາ​ອູດ​ ອີກໂຕ​ໜຶ່ງ​ເຊິ່ງເປັນ​ຂອງ​ລາວ​ຕື່ມເຂົ້າໃສ່ອູດ 17 ໂຕ. ໃນປັດຈຸບັນຈໍານວນອູດທັງຫມົດ ແມ່ນ 18 ໂຕ.

ບັດ​ນີ້, ຜູ້ເຖົ້າປັນຍາແຫຼມຄົມ ​ໄດ້​ເວົ້າ​ກັບ​​ຊາຍໃຫຍ່ ​ໃຫ້​ອ່ານ​ຈົດໝາຍ​ດັ່ງກ່າວອີກຄັ້ງເຊິ່ງບອກ​ວ່າ, ​​ຊາຍໃຫຍ່​ຈະ​ໄດ້​ອູດ​ຈໍານວນເຄິ່ງໜຶ່ງ ​ໝາຍ​ຄວາມ​ວ່າ 18/2 = 9 ໂຕ​. ດັ່ງນັ້ນ, ອູດ 9 ໂຕ ຈຶ່ງໄປຫາຊາຍໃຫຍ່.

ຈາກນັ້ນ, ຜູ້ເຖົ້າປັນຍາແຫຼມຄົມ ຈຶ່ງບອກໃຫ້ຊາຍກາງອ່ານຈົດໝາຍດັ່ງກ່າວອີກຄັ້ງເຊິ່ງບອກໄວ້ວ່າ, ຊາຍກາງຈະໄດ້ຮັບ 1 ສ່ວນສາມຂອງອູດ ໝາຍຄວາມວ່າ 18/3 = 6. ດັ່ງນັ້ນ, ອູດ 6 ໂຕຈຶ່ງໄປຫາຊາຍກາງ.

ໃນທີ່ສຸດ ​ຊາຍຫຼ້າ ​ໄດ້​ອ່ານ​ຈົດໝາຍ​ຄືນອີກຄັ້ງເຊິ່ງບອກ​ວ່າ, ຊາຍຫຼ້າ​ຈະ​ໄດ້​ອູດ ຈໍານວນ 1 ສ່ວນເກົ້າ ​ໝາຍ​ຄວາມ​ວ່າ 18/9 = 2 ໂຕ. ດັ່ງນັ້ນ, ອູດ 2 ໂຕຈຶ່ງໄປຫາຊາຍຫຼ້າ.

ທັງໝົດ, ລູກຊາຍທັງ 3 ຄົນ ມີອູດ 9 + 6 + 2 = 17 ໂຕ ຕາມຈົດໝາຍບອກໄວ້.

ຫຼັງ​ຈາກ​ນັ້ນ, ຜູ້​ຖົ້າ​ປັນຍາແຫຼມຄົມ ​ກໍ​ເອົາ​ອູດ​ໂຕ​ໜຶ່ງຂອງຕົນ​ຄືນ​ຈາກ​ອູດ 18 ໂຕ ແລ້ວກໍເດີນທາງຕໍ່ໄປ.

ມີກໍລະນີອື່ນທີ່ຄ້າຍຄືກັນແຕ່ແຕກຕ່າງກັນຢ່າງສິ້ນເຊີງ. ຈົດໝາຍຂອງພໍ່ບອກໄວ້ວ່າ ຊາຍໃຫຍ່ຈະໄດ້ຮັບເຄິ່ງໜຶ່ງຂອງອູດ 17 ໂຕ, ຊາຍກາງຈະໄດ້ຮັບ 1 ສ່ວນສາມຂອງອູດ 17 ໂຕ ແລະ ຊາຍຫຼ້າຈະໄດ້ຮັບ 1 ສ່ວນຫົກ ຂອງອູດ 17 ໂຕ.

ທ້າວຈ້າມັກສະແດງ ກໍໄດ້ເຮັດແບບດຽວກັນກັບ ຜູ້ເຖົ້າປັນຍາແຫຼມຄົມທີ່ໂດ່ງດັງ. ລາວ​ບອກ​ໃຫ້​ເຂົາເຈົ້າເອົາ​ອູດ​ທັງ​ໝົດ​ມາ​ໃຫ້​ລາວ. ເມື່ອ​ພວກ​ລູກ​ຊາຍ​ໄດ້​ນຳ​ອູດ​ທັງ​ໝົດ​ມາ​ຮອດ​ບ່ອນ​ຂອງ​ທ້າວຈ້າ, ລາວກໍໄດ້​ເພີ່ມ​ອູດ​ໂຕ​ໜຶ່ງ​ເຊິ່ງເປັນ​ຂອງ​ລາວ​ເຂົ້າໃສ່ຝູງ​ອູດ 17 ໂຕ. ໃນປັດຈຸບັນຈໍານວນອູດທັງຫມົດແມ່ນ 18 ໂຕ.

ບັດ​ນີ້, ທ້າວຈ້າ ​ໄດ້​ເວົ້າ​ກັບ​​ຊາຍໃຫຍ່ ​ໃຫ້​ອ່ານ​ຈົດໝາຍ​ດັ່ງກ່າວອີກຄັ້ງເຊິ່ງບອກ​ວ່າ, ​​ຊາຍໃຫຍ່​ຈະ​ໄດ້​ອູດ​ຈໍານວນເຄິ່ງໜຶ່ງ ​ໝາຍ​ຄວາມ​ວ່າ 18/2 = 9 ໂຕ​. ດັ່ງນັ້ນ, ອູດ 9 ໂຕ ຈຶ່ງໄປຫາຊາຍໃຫຍ່.

ຈາກນັ້ນ, ທ້າວຈ້າ ຈຶ່ງບອກໃຫ້ຊາຍກາງອ່ານຈົດໝາຍດັ່ງກ່າວອີກຄັ້ງເຊິ່ງບອກໄວ້ວ່າ, ຊາຍກາງຈະໄດ້ຮັບ 1 ສ່ວນສາມຂອງອູດ ໝາຍຄວາມວ່າ 18/3 = 6. ດັ່ງນັ້ນ, ອູດ 6 ໂຕຈຶ່ງໄປຫາຊາຍກາງ.

ໃນທີ່ສຸດ ​ຊາຍຫຼ້າ ​ໄດ້​ອ່ານ​ຈົດໝາຍ​ຄືນອີກຄັ້ງເຊິ່ງບອກ​ວ່າ, ຊາຍຫຼ້າ​ຈະ​ໄດ້​ອູດ ຈໍານວນ 1 ສ່ວນຫົກ ​ໝາຍ​ຄວາມ​ວ່າ 18/6 = 3 ໂຕ. ດັ່ງນັ້ນ, ອູດ 3 ໂຕຈຶ່ງໄປຫາຊາຍຫຼ້າ.

ທັງໝົດ, ລູກຊາຍທັງ 3 ຄົນ ມີອູດ 9 + 6 + 3 = 18 ໂຕ ຕາມຈົດໝາຍບອກໄວ້.

ໃນ​ກໍ​ລະ​ນີ​ນີ້, ທ້າວຈ້າ ​ໄດ້​ສູນ​ເສຍ​ອູດໂຕ​ຫນຶ່ງ​ຂອງ​ຕົນ​ໃຫ້​ລູກ​ຊາຍ​ທັງ​ສາມ. ໃນສອງກໍລະນີນີ້ ຄວາມແຕກຕ່າງ ມີຄືແນວໃດ?

ຄວາມແຕກຕ່າງຂອງສອງກໍລະນີ ແມ່ນຜົນລວມຂອງສ່ວນແບ່ງສາມສ່ວນ.

1. ຈົດຫມາຍສະບັບຕົ້ນໄດ້ກ່າວເຖິງ 1/2, 1/3 ແລະ 1/9. ລວມທັງໝົດແມ່ນ (1/2 + 1/3 + 1/9) = ( 9/18 + 6/18 + 2/18 ) = 17/18. ເຊິ່ງມັນບໍ່ເຕັມ 100%. ເມື່ອເອົາມາໃຊ້ກັບອູດ 17 ໂຕ, ເທົ່າກັບ ອູດ 17 ໂຕ * 17/18 = 16.05 ໂຕ.
2. ວິທີແກ້ບັນຫາຂອງຜູ້ເຖົ້າປັນຍາແຫຼມຄົມ ແມ່ນເອົາສ່ວນແບ່ງ 17/18 ໄປນໍາໃຊ້ກັບອູດ 18 ໂຕ, ເທົ່າກັບ ອູດ 18 ໂຕ * 17/18 = 17 ໂຕ. ເຊິ່ງມັນແຕກຕ່າງຈາກເຈດຈໍານົງເດີມຂອງຜູ້ເປັນພໍ່, ແຕ່ວ່າ ຜູ້ເຖົ້າສາມາດແບ່ງອູດ 17 ໂຕໄດ້ຢ່າງລົງໂຕ ໂດຍບໍ່ມີສ່ວນເສດເຫຼືອ.
3. ກໍລະນີທີສອງແກ້ໄຂໂດຍທ້າວຈ້າ ຈົດໝາຍໄດ້ກ່າວເຖິງ 1/2, 1/3 ແລະ 1/6. ລວມທັງໝົດແມ່ນ (1/2 + 1/3 + 1/6) = ( 9/18 + 6/18 + 3/18 ) = 18/18. ເຊິ່ງມັນເຕັມ 100%. ເມື່ອໃຊ້ກັບອູດ 17 ໂຕ, ເທົ່າກັບ ອູດ 17 ໂຕ * 18/18 = 17 ໂຕ, ຫຼືເຖິງແມ່ນວ່າ ໃຊ້ກັບອູດ 18 ໂຕ, ເທົ່າກັບ ອູດ 18 ໂຕ * 18/18 = 18 ໂຕ.